Ky prezantim në muajin e fundit ishte mbyllja e një viti të tërë plotësisht të suksesshëm për vajzën e bukur.
Ishte pikërisht ajo përfaqësuesja e Shqipërisë në
‘Miss World 2012’, e cila udhëtoi në Kinë dhe erdhi që nga skaji i
kontinentit tjetër, vërtet pa një çmim, por e zgjedhur shpesh si
protagoniste nëpër kronikat e artikujt e përgatitur për konkursin e
bukurisë nga gazetarët e huaj.
E bukur, 1.80 e gjatë, e arsimuar: ka mbaruar
studimet e larta për Marrëdhënie Ndërkombëtare në City College of New
York dhe ndjek një master aktualisht në këtë fushë (është dhe
drejtoreshë e Marrëdhënieve me Jashtë në Akademinë e Shkencave, një
detyrë e përkohshme, por që i shton pikë në rezultatet e vitit), me
pjekurinë e një 25 vjeçareje që dallon mes vajzave 20 vjeçare që
dominojnë konkurset e bukurisë, me anglishten e përkryer të një vajze që
ka jetuar që prej moshës 15-vjeçare në SHBA dhe me një karrierë si
fotomodele dhe prezantuese.
Ndoshta të njëjtat gjëra kanë peshuar edhe ata që e zgjodhën si prezantuesen e Festivalit, krah Enkel Demit.
“Oferta m’u bë nga drejtuesit e TVSH-së, të cilët e
kishin diskutuar edhe me drejtuesit e ABC News dhe kishin rënë dakord
për mua. Me sa kam marrë vesh unë, drejtuesit e TVSH-së kishin vendosur
direkt dhe nuk kishin konsideruar vajza të tjera për prezantim, kështu
që jam ndjerë mirë për këtë. Kjo përvojë ka qenë më e bukura për mua në
fushën e televizionit dhe kam shijuar çdo moment. Keli ka qenë një
partner i mrekullueshëm në prezantim, shumë mbështetës, korrekt dhe
inkurajues dhe unë jam ndjerë shume komode. E kisha bindur veten që të
jepja më të mirën sepse po realizoja ëndrrën time në atë skenë”, ka
thene per mediat shqiptare Floriana Garo, e cila ka pasur një vit me të vërtetë të suksesshëm. /Indeksonline/
No comments:
Post a Comment