Ky do të jetë “Big Brother”-i i sekreteve dhe ata që do të futen në shtëpi do të kenë me vete secili nga një sekret shumë të rëndësishëm që lidhet me jetën e tyre dhe që nuk e kanë thënë kurrë më parë. Gjatë qëndrimit në shtëpi, detyrat kryesore për çdo banor do të jenë dy: të ruajnë sa më gjatë sekretin e tyre dhe të zbulojnë sa më shpejt sekretin e tjetrit. Këto detyra do të merren seriozisht nga konkurrentët dhe do të jenë në vëmendjen e tyre gjatë gjithë kohës. Në çdo moment ata duhet të jenë të kujdesshëm në të folur apo në veprime për të mos zbuluar se çfarë fshehin, dhe njëherësh duhet të jenë vigjilentë e të studiojnë të tjerët në çdo moment që të zbulojnë sekretin e tyre. Këto detyra janë të rëndësishme, sepse prej tyre varen qëndrimi në shtëpi dhe buxheti personal që do të mund të fitojë secili.
Përpos çmimit kryesor, banorët do të kenë mundësinë të dalin nga loja me para të fituara në bazë të zbulimeve që do të bëjnë, shkruan “Gazeta Shqiptare”. Zbulimi i një sekreti e penalizon konkurrentin që zbulohet, duke e përjashtuar menjëherë nga loja dhe i jep mundësinë zbuluesit që të fitojë para ose mundësinë për të qëndruar më gjatë. Duket e komplikuar, por për këtë do të ndërtohet një formulë që do t’i shpjegohet herë pas here shikuesve në mënyrë që publiku të jetë sa më i qartë.
Vendimi në fund do të jetë gjithmonë në dorën e publikut. Por kjo lloj formule e re do të bëjë që të gjithë banorët të kenë një qëllim të caktuar, një mundësi përfitimi: të ndjejnë gjatë gjithë kohës rrezikun nga njëri-tjetri dhe të përqendrohen tek një mision i caktuar.
Prezantuese e show-t edhe gjatë këtij viti do të jetë Arbana Osmani, e cila ka deshmuar me vite se i shkon shumë për shtat këtij formati.tung.ch
No comments:
Post a Comment