Saturday, January 5, 2013

Ngjyrat më në trend për vitin 2013

Cilat janë nuancat më të popullarizuara të dizajneve të interiereve për vitin 2013? Kjo varet nga ajo se çfarë ju kërkoni. Derisa gama e ngjyrave më në trend  ndryshon  varësisht prej  analistit, mund të thuhet se disa nuanca të caktuara janë duke u shfaqur në shumë lista. Kësaj here ne do t’i sjellim  6 prej tyre.
Smerald e gjelbër

Sipas, një njoftimi zyrtar të Pantone, një prej parashikuesve më të çmuar të ngjyrave , ngjyra e vitit për 2013 është ngjyra Smerald e gjelbër! Kjo ngjyrë thuhet se ngjall gjallërinë e natyrës, ndërsa në të njëjtën kohë ngjanë me nuancën e ngjyrës së  xhevahireve që do të thotë pasurisë.
Ngjyrë vjollce

Një tjetër nuancë ngjyre e  popullore për 2013 është ngjyra jargavan. Në fakt, nuancat e ngjyrës vjollce janë në shumë lista të parashikimeve të ngjyrave të vitit, sidomos rekomandohen për hapësirat me ngjyra të qeta të tilla si dhomat e gjumit .
Në fakt, ka tendenca që vitin e ardhshëm të jenë mjaftë të popullarizuara edhe përzierja e nuancave të ngjyrës vjollcë, të cilat i japin hapësirës ndjenjën e thellësisë, pasurisë dhe e bëjnë atë të duket  magjepsëse.
E verdha mustardë

Ngjyra e verdhë vezulluese  do të dominojë në shumë dhoma të dizajnuara në vitin 2013. Me nuanca ngjyrës së diellit dhe me një shkëlqim të caktuar të artë kjo nuancë miqësore kombinohet  edhe me ngjyra të tilla si mandarinë dhe patëllxhan., duke krijuar atmosferë të  ngrohtë të dhomës, veçmas atyre të ndejës.
E verdha mustardë kombinohet po ashtu mirë edhe nuanca të ngjyrës kafe dhe ngjyrën e  gjelbër të limonit. Në fakt, ky kombinim i ngjyrave krijon një pamje të cilësisë së mirë që është e përkryer për hapësira moderne.
E kaltër oqeani

Nuancat e lehta të së kaltrës  mund të gjenden shumë lista të parashikimeve të  ngjyrave të vitit. E kaltra kombinohet mirë me nuancat e saj të lehta dhe të errëta. E kaltra e oqeanit rrinë bukur edhe në kombinim me të katrën mbretërore, katrën e mbyllët dhe të bardhën gjallëruese.
Një mur i ngjyros me ngjyrë të kaltër të lehtë kombinohet mirë me nuancat të ngrohta dhe neutrale siç është  ngjyra kafe e artë e lehtë.
Ngjyrë portokalli 

Sipas, Pantone ngjyra e mandarinës ishte  ngjyra e  vitit  2012. Ajo pritet që edhe këtë vit të jetë në listën e ngjyrave të popullarizuara! Në hapësirën e projektuar nga Brendshme Brown Davis, Inc, nuanca  është përdorur  në mënyrë strategjike për të nxjerrë në pah një tavan të ngritur.
Mos harroni përzierjen e këndshme  të ngjyrës   portokalli me atë rozë dhe kombinimin me ngjyrën kafe.
E hirtë

Ndonëse nuk mund të bien në sy sikur  ngjyrat e tjera edhe ngjyrat neutrale janë të rëndësishme dhe mund të kombinohen mirë. Ngjyra e hirtë  është përfshirë në shumë prej serive të  ngjyra këtij viti, sepse e zbut atmosferën dhe e bënë atë qetësuese  si dhe i mbanë nuancat shumë vezulluese nën kontroll. Për shembull, ngjyra e hirtë kombinohet mirë me ngjyrën e  gjelbër.
Për  të sjellë efektin e thellësisë muret mund të ngjyrosen më ngjyrë të hirtë, e cila kombinohet mirë edhe me ngjyrën e kaltër mbretërore. /Dukagjini.com

No comments:

Post a Comment

Post a Comment