Si të jetë fëmija i lidhur me shkollën?

Prindërit duhet t’i inkurajojnë fëmijët që ata të flasin hapur me ta si dhe pa pasur frikë të japin idetë e tyre, nevojat apo frikën që e kanë para mësimdhënësve, pedagogëve dhe të gjithë të tjerëve që punojnë në shkollë.
Prindërit duhet të kuptojnë se çfarë pritet në shkollë që fëmija të mësojë dhe si duhet të sillet fëmija. Kjo do të thotë se prindërit duhet të bisedojnë me mësimdhënësit, që rregullisht të shkojnë në mbledhjet e prindërve dhe t’i lexojnë materialet të cilat eventualisht ua dërgojnë nga shkolla. Kur prindërit e kuptojnë këtë, përmbushni edhe ju ato pritje – ia sqaroni fëmijës se pse është e rëndësishme që të arrihet ajo që pritet nga ai të arrihet.
I ndihmoni fëmijët gjatë bërjes së detyrave të shtëpisë dhe i tregoni se si ta shfrytëzojë kohën që ka në dispozicion në mënyrën më të mirë të mundshme. Prindërit duhet të kujdesen që fëmija t’i ketë të gjitha pajisjet që i nevojiten për punë – librat, materialet tjera dhe një kënd i qetë për të mësuar. Inkurajoni fëmijën që t’i ndihmojë të rriturve – në shtëpi, shkollë apo në bashkësinë e gjerë – për shembull, që të bëj punët e lehta të shtëpisë, që të jetë bashkëpunëtorë në bibliotekë, t’i ndihmojë nxënësit më të vegjël në mësime.
Prindërit duhet të shkojnë rregullisht tek mësimdhënësi që të bisedojnë rreth notave dhe sjelljen e fëmijës së tij. Prindërit duhet t’i sugjerojnë mësimdhënësve ndryshime të thjeshta me të cilat ambienti në shkollë mund të bëhet më i këndshëm – kjo mund të jetë një ekspozitë e vizatimeve të fëmijëve, apo mundësia që familjet së bashku të shfrytëzojnë sallën për edukim fizik kur ka termin të lirë./zeri.info/