Një problem i hasur gjatë vizitave te mjeku është dhe diarreja. 900 raste me diarre janë të regjistruara nga Instituti i Shëndetit Publik.
Strukturat shëndetësore apelojnë për bërjen e vaksinës antigrip, në mënyrë të veçantë ata persona që vuajnë nga sëmundje kronike, që kanë imunitet të dobët si fëmijët, të moshuarit dhe gratë shtatzëna. Sipas mjekëve kjo është mënyra për të shpëtuar nga virozët e stinës. Vaksinat mund të bëhen pranë qendrave shëndetësore.
Mjekët këshillojnë gjithashtu përdorim me kriter të antibiotikëve, vetëm sipas përshkrimeve nga mjeku. Që në shfaqjen e shenjave të para të gripit, vetë të prekurit mund të përdorin ilaçe që shërbejnë për këtë periudhë të tilla si paracetamoli, apo bustinat të cilat shkrihen në ujë përpara se të pihen. Mund të përdoren tri të tilla gjatë një dite. Është e rëndësishme që një të konsumohet në darkë në mënyrë që gjumi të bëhet i qetë.
Gjithashtu rekomandohet përdorimi i lëngjeve, frutave dhe çajrave të shumëllojshme me prejardhje bimore, që japin efekte lehtësuese në rrugët e frymëmarrjes dhe në fyt dhe që kanë efekt zbutës të kollës. Po ashtu qëndrimi në ambiente të ngrohta dhe konsumi i suprave të ngrohta. Zarzavatet nuk mund të mungojnë në tavolinë gjatë kësaj periudhe.
Agjencia e Shërbimit Rajonal bën me dije se vetëm gjatë një dite janë bërë 50 vizita të cilat janë diagnostikuar me virozë ose kanë qenë të sëmurë kronikë, kjo nuk ka pasur të bëjë me festat e fundvitit.
Vitin e kaluar rastet ishin më të shumta në numër, por kjo nuk do të thotë që situata duhet neglizhuar, përkundrazi vetë qytetarët duhet të tregohen më të kujdesshëm dhe të mos ekspozohen ndaj gripit dhe virozëve të stinës.
Qepa lufton gripin
Një qepë në ditë mban larg sëmundjet dhe në periudhë virozësh lufton gripin, prandaj më e mira është që ta marrim atë në formën që i humbet sa më pak vlerat ushqyese. Në gatime qepa ndryshon shijen dhe vlerën ushqyese. Një qepë e prerë humb një pjesë të lëngut dhe aromën.
Ka nga ata që e konsumojnë të gjallë për shoqëruar gjellra të ndryshme. Disa amvisa e shmangin përdorimin e saj për arsye banale, ngaqë u lotojnë sytë ose ngaqë mbajnë erë duart.
Por vlerat ushqyese janë të njohura që në nga mjekësia e lashtë. E pasur me proteina, kalcium, magnez, vitamina B1, B3, B6, B9, E etj, ajo është në gjendje të luftojë gripin dhe të ndikojë pozitivisht në zgjerimin e venave të gjakut. Është ilaç për nervat dhe për plagët e lehta të cilave nëse u vendoset qep përsipër shërohen shpejt. Gjethet e qepës së njomë përmbajnë proteina, sheqer, vitaminë A dhe C.
Era karakteristike e qepës i detyrohet vajit eterik që ka përmbajtje squfuri.
Qepa ndihmon shumë tretjen, pasi vepron për lirimin e acidi klorhidrik në stomak.
Prania e këtij acidi luan rol në zhdukjen e baktereve të dëmshme, që hyjnë në stomak bashkë me ushqimin. Vaji eterik i qepës shkatërron sekrecionet helmuese të baktereve. Në mungesë të antibiotikëve, mënjanon infeksionet për pak kohë. Përdorimi i qepës së gjallë pastron sistemin e frymëmarrjes. Ka veti kuruese për astmën si dhe bën mirë të përdoret nga ata që vuajnë nga sistemi nervor.
Qepa e kuqe ndihmon për të parandaluar osteoporozën për shkak të përmbajtjes së lartë të kuercetinit, një familjes antioksidantësh me efekt të lartë.
Ndikon gjithashtu në çlirimin e akumulimit të parregullt të lëngjeve në organizëm, zakonisht në bark.
Mos e përdorni qepën në rast se keni ndërmend të dilni nga shtëpia. Përdoreni atë në vaktin e darkës. Edhe në këtë rast mirë është që për të shmangur erën e qepës nga fryma jua, përtypni pak majdanoz ose nenexhik.
Për të hequr erën e qepëve nga duart kur e ke i përdorur atë në gatim, mjafton të përdorni lëng limoni.shekulli.com
No comments:
Post a Comment