Ami rrëfen vitin 2012

Amarda Toska është një ndër ato personazhe për të cilët kërshëria e publikut qëndron gjithmonë e zgjuar.
Ajo ka ditur te bëjë për vete publikun, që kur doli për herë të parë në skenë si balerinë.
Tani, Ami është një nga moderatoret më të dashura të ekranit, ndërsa po shijon një martesë të lumtur me Ermal Mamaqin.
Viti qe po leme pas, per te duket te kete qenje nje vit i mire.
  “Ka qenë një vit i planifikuar që në fillim të tij dhe në përgjithësi gjërat kanë shkuar ashtu siç i mendoja. 2012-a do të mbetet në memorien dhe kujtimet tona për festën e përbashkët të 30-vjetorit të ditëlindjes sime dhe të Ermalit. Nuk përjashtoj faktin që ka pasur edhe momente jo të mira këtë vit, por kur ke pranë njerëzit e dashur, këto momente kalohen dhe pas tyre kupton se ato vetëm të kanë bërë më të fortë”,  ka rrëfyer moderatorja për mediat shqiptare.
Ami ka treguar edhe pritshmëritë për këtë vit që po vjen: “Nga ana profesionale synoj një shkallë më lart nga ç’ka lashë pas këtë vit. Në planin personal them që po të vazhdojmë kështu jemi mirë...shumë mirë ”. /Indeksonline/